A rotura dunha catenaria en varios puntos da rede ferroviaria na provincia de Lugo e un posterior desprendemento de ménsula obrigou a interromper a circulación entre Monforte de Lemos e a parroquia de Laxosa, no Corgo.

O Administrador de Infraestruturas Ferroviarias (Adif) asegurou, a través da súa conta en ‘X’, que a fractura foi «intencionada», aínda que non especificou que ou quen a ocasionou.

Tamén detallou que o suceso, que ocorreu en torno ao mediodía deste sábado, produciuse entre Laxosa, Pobra de San Xiao (parroquia de Láncara) e Sarria. En consecuencia, obrigou a establecer un plan alternativo por estrada entre Monforte e Lugo para trens de Media Distancia.