A Consellería de Medio Ambiente, Territorio e Vivenda abre este mércores o prazo de presentación de solicitudes para poder pescar lamprea no río Ulla durante a próxima temporada.

O Diario Oficial de Galicia publica este martes a orde que regula a práctica desta actividade e o prazo de presentación de solicitudes será de 15 días hábiles a partir deste mércores.

En concreto, expediranse dous tipos de licenza, de clases A ou B, na que se indicará a especie autorizada e especificarase a ‘pesqueira’ na que poderá practicala.

Os prazos serán do 6 de xaneiro ao 28 de marzo nas de Areas, en Herbón; do 3 de febreiro ao 25 de abril no tramo comprendido entre As Vellas e A Trapa; e do 10 de febreiro ao 9 de maio entre Caseta e Furado a Lampreeiro, en Reis.