Galicia rexistrou un total de 793 execucións hipotecarias sobre vivendas en 2020, o que supón un 42% menos que en 2019, segundo os datos que publica este luns o Instituto Nacional de Estatística (INE).

Destas 793 vivendas na comunidade galega, 243 correspondíanse con persoas físicas e 550, xurídicas. Son 607 vivendas usadas e 186 novas.

As execucións hipotecarias afectaron a un total de 1.785 predios en Galicia en 2020, o que supón un 31,5% menos que en 2019. Aquí, inclúense as 793 vivendas, ademais de 295 predios rústicos (triplícanse), 51 solares (caen á metade) e 646 doutro tipo (un 37% menos).

No tocante ao último trimestre de 2020, houbo 273 execucións hipotecarias sobre vivendas, o que supón un repunte respecto ao mesmo período de 2019. En cambio, esta cifra é un 13% inferior ao terceiro trimestre de 2020.